O vindeiro luns, 10 de febreiro, visitará o noso centro a poetisa e ilustradora Ana Santiso para participar nunha charla-coloquio co alumnado do club de lectura Libros coma area!, do Club de Letras e cos estudantes da materia de Coeducación de 1º Bacharelato. Este encontro literario celebrarase de 10.25h a 12.05h no salón de actos do instituto. Os estudantes aproveitarán para entrevistar a Ana Santiso e coñecer máis polo miúdo a súa traxectoria artística, así como o proceso de confección do seu álbum ilustrado Cidade Cemento.
A continuación, de 12.25h a 14.05h, terá lugar un obradoiro na nosa biblioteca no que os integrantes dos catro grupos do club de lectura e do Club de Letras realizarán un exercicio plástico e de escritura creativa coa nosa convidada. Contaremos, ademais, con moitas outras sorpresas.
Darémosvos cumprida información desta visita nos próximos días!
No hay comentarios:
Publicar un comentario