SAMAÍN 2022 v1.0.
Despois de semanas de preparación por parte do Club de lectura Libros coma area! e os equipos de Biblioteca e Dinamización lingüística, o venres 28 de outubro, celebramos os actos do Samaín. Durante as tres últimas horas, sucesivamente, o alumnado de 3º ESO, 1º ESO e 2º ESO desfrutaría da lectura dos microrrelatos de terror e unha actuación musical, ademais de asistir á entrega de premios dos concursos do Samaín.
Na cuarta hora entregáronse os premios aos mellores microrrelatos de terror, os participantes eran alumnos e alumnas de 1º de BACH e temos o orgullo de poder dicir que o primeiro e o segundo premio caeron en membros do club Libros coma area! Aquí tedes imaxes das tres premiadas e dos seus relatos.
Tamén nesta hora, ante a presencia dos seus compañeiros e compañeiras de clase, tres alumnas de 3º ESO recibiron os premios do concurso das apócemas máxicas. Acontinuación mostramos as apócemas gañadoras e as súas creadoras.
Finalmente, a quinta hora, entregáronse os premios as mellores cabazas do alumnado de 1º e 2º da ESO
Isto é todo polo momento, na vindeira publicación veredes como se desenvolveu a festa do Samaín...
No hay comentarios:
Publicar un comentario