Últimas lecturas!!!

Por recomendación do 1º ciclo, os alumnos do club dos maiores lerán tamén O corazón de Xúpiter de Ledicia Costas e para os máis pequenos queda proposto Chamádeme Simbad de Fran Castro. A ler pronto e a ver se nos podemos reunir antes de rematar o curso!!!

Exposto o traballo de libroscomarea!!!

La casa de Bernarda Alba para despedir o curso

Hoxe a compañía de teatro El Ruiseñor representa no Teatro Colón da Coruña La casa de Bernarda Alba e libroscomarea do 2º ciclo acércase a Coruña para vela. Todos os alumnos do club do 2º ciclo forman parte á súa vez do grupo de teatro do instituto e a obra que representarán a finais deste curso é precisamente La casa de Bernarda Alba. Aproveitando que a obra se representa na Coruña acudimos a vela os alumnos do club acompañados dos outros alumnos do teatro e tamén do profesor/director da obra no centro, Luis Hierro.

Agasallo da praia das palabras

Grazas á Praia das palabras por este fermoso vídeo da súa viaxe á Costa da Morte e visita a Biblioraíces!!

A praia dos afogados

A praia dos afogados en película!!!! Primeiro rumores, logo noticia e agora rodaxe!!!

A praia dos afogados, un dos primeiros libros que lemos en libros coma area no 1º ano da nosa andaina, pasa á gran pantalla. A película está sendo rodada en Nigrán polo director Gerardo Herrero e con Carmelo Gómez como prota, esperamos ansiosos á saída en pantalla.

Foto: lavozdegalicia.es 23/05/2014

Chegou o día!!!!

Hoxe visítannos en biblioraíces os compañeiros do club de lectura A praia das palabras do IES de Vilalonga, estamos encantados de recibilos!!! Xa vos iremos colgando fotos da xuntanza!!!

Preparando a visita

Emcantadísimos os nosos areeir@s de recibir unha libreta de bibliotecas escolares para apuntar as súas lendas que contarán na visita que temos esta semana, quen virá a vernos???

Nas primeiras páxinas da libreta comprobaron os libros máis lidos polos clubs de lectura de bibliotecas escolare e comprobaron que varios coinciden cos que lemos nós no club!!!!