Biblioteca IES Agra de Raíces.

10/12/18

Concurso: Un logo para o club de lectura



Na procura dun logo para o Club de Lectura
Bases  concurso de logotipo para o Club de Lectura do IES Agra de Raíces de Cee

Tema: O tema  do logo será de libre elección. Deberá incluír o nome do club Libros Coma Area!.

Requisitos: Os logos deberán ser orixinais e incluír o nome do club, Libros Coma Area!  ademais dunha ilustración, elaborada polo/a concursante. Enviaranse en formato dixital á caixa de correos libroscomaarea@gmail.com, podendo, para a súa elaboración, usarse a técnica que o autor/a considere apropiada, tamaño DIN A4. No caso de elixir outro formato para participar, poderán entregarse na biblioteca.
Aconsellase empregar cores que podan trasladarse posteriormente á escala de grises para facilitar a  edición tanto en branco e negro coma a cor.

Requisitos para participar: Poderá participar todo o alumnado matriculado no IES Agra de Raíces de Cee.

Modo de entrega: Cada participante poderá presentar un logotipo. Deberán axuntarse os seguintes datos: nome e apelidos, curso, idioma e nome do titor ou titora do seu grupo.

Prazo de entrega: dende a publicación destas bases ata o día 31 de xaneiro de 2019.

O xurado: os logotipos serán avaliados por un tribunal formado por persoal docente e profesorado do club de lectura, que elixirá o logotipo gañador. O premio poderá quedar deserto se o xurado así o estima por considerar que os traballos non se adecúan ás bases.
Criterios de valoración:
Á hora de conceder o premio valoraranse os seguintes aspectos:
a) A presentación e capacidade para captar a atención da persoa que a contempla.
b) A orixinalidade, imaxinación e creatividade na disposición dos elementos do logotipo.
c) A complexidade na realización do logotipo.
Premio:
Unha bicicleta.
Darase a coñecer o nome da persoa gañadora no blog do club de lectura Libros Coma Area!

Aceptación:
Tódolos logotipos poderán ser publicados na páxina web, redes sociais do centro e expostos nos taboleiros do IES Agra de Raíces  ou da Biblioteca, autorizando os autores/as dita publicación ao participar neste concurso.
O logotipo gañador será propiedade do Club de Lectura que terá liberdade para modificalo total ou parcialmente.

No hay comentarios:

Publicar un comentario