Biblioteca IES Agra de Raíces.

22/12/21

 

PREPARÁNDONOS PARA O ANO 2022!! 

Estando xa a punto de acabar o ano 2021 e aproveitando o inicio das vacacións de Nadal, o club de lectura Libros coma area! quere facer un repaso polas actividades desenvoltas no mes de decembro, ademais de comentar os proxectos pendentes para o futuro 2022.

As nenas de 1º da ESO remataron de ler o libro Todas deberíamos ser feministas de Chimanda Ngozi Adichie e xa prepáranse para devorar o seu terceiro libro do curso Mamá, quero ser Ziggy Stardust de Iria Misa.


      



Pola súa parte, o grupo formado por alumnos e alumnas de 2º e 3º da ESO estiveron comentando as súas impresións sobre o primeiro libro proposto, A balada dos unicornios de Ledicia Costas. Tamén teñen xa, nas súas mans, O hobbit de J.R.R. Tolkien; durante este Nadal recorrerán xunto a Bilbo Bolseiro o camiño cara o tesouro da Montaña Solitaria.



As alumnas de 4º da ESO e 1º de BACH acolleron, cos brazos abertos, a unha nova compañeira que se incorpora o club, agardamos captar más xente para a nosa secta dos libros...
Nestes días comentamos o primeiro libro, Memoria do silencio de Eva Mejuto, esta obra tivo unha gran acollida ao seren moi valorados algúns temas como a loita das mulleres ou a traxedia do Holocausto. Neste Nadal comenzarán a ler o seguinte libro, Os nenos da variola de María Solar, onde se combina a novela histórica con temas de actualidade como a vacinación das enfermidades pandémicas.


Finalmente o grupo de lectura formado polo profesorado do IES Agra de Raíces vaise lanzar a ler o seu primeiro libro, como podedes ver non lles damos seguido o ritmo aos nosos alumnos e alumnas pero o intentamos. O libro proposto para ler en Nadal é El lector de Julio Verne de Almudena Grandes, queremos así renderlle homenaxe a esta autora recentemente falecida.



Para rematar este percorrido polas actividades desenvoltas este mes, non podemos olvidar tampouco un proxecto para promocionar a lectura que verá a luz no 2022. De momento non vamos a adiantar moitos detalles pero si podemos dicir que os nosos alumnos e alumnas nos falaron dunha gran cantidade de libros que lles marcaron mentres estaban en primaria...




25/11/21

CONCURSO DE MICRORRELATOS DE SAMAÍN 

Co motivo da festa do Samaín celebrouse, no IES Agra de Raíces, un concurso, protagonizado polo alumnado da ESO, no que as rapaces e rapazas conseguiron facernos tremer de medo. Cunha participación moi alta, máis de cen relatos de medo, o xurado tivo unha difícil labor á hora de decidir os gañadores. Os equipos de Dinamización Lingúística, Biblioteca e do Club de lectura elixiron dous gañadores por nivel da ESO, os cales recibiron un vale para un almorzo na cafetería do centro e outro canxeable en librerías da contorna.

O martes, día 23 realizouse a entrega de premios como podemos ver na seguinte fotografía.



As alumnas premiadas foron:

 Xana Corbelle Ínsua con "Ver e non sentir" e Velia Dayana Ramos Tercero con "Os bonecos malditos" en 1º da ESO.

                        



Uxía Felpete Romero con " Chamábame deus" e Carla Piñeiro Piñeiro con "Vivos ou mortos?" en 2º da ESO.




Helena Roget Souto con "O corpo" e Claudia Costa Casais con "Un monstro no meu armario" en 3º da ESO.

        


Marina Calo Bujeiro con "A Intervención" e Lúa Iglesias Pérez con "Por segunda vez" en 4º da ESO.                    



25/10/21

VOLVEU LIBROS COMA AREA! 

O venres, día 22, tiveron lugar as primeiras sesións do club de lectura, así pois a biblioteca deo Agra de Raíces volveu a ser un lugar de encontro para os amantes da lectura.

No primeiro recreo xuntáronse o grupo de 2º e 3º da ESO co de 4º da ESO e 1º de BACH, sendo unha boa oportunidade para facer novos amigos e amigas. 

O grupo de 2º e 3º recibiron o primeiro libro do ano, A balada dos unicornios de Ledicia Costas. Este libro conta a historia Agatha Mcleod, unha xoven e xenial inventora, que deberá emprender unha aventura para salvar ao seu mellor amigo. Neste libro veremos a mestura de maxia e ciencia a través do abraiantes inventos desta nena.


O grupo de 4º e 1º BACH inician este ano con Memoria do silencio de Eva Mejuto, as alumnas do club veranse inmersas nunha trama ambientada en Galicia durante a II Guerra Mundial. Lola, unha brava muller, arriscará a súa vida para salvar outras durante un dos episodios máis negros da humanidade, o Holocausto.


No segundo recreo os entusiastas nenos e nenas de 1º da ESO reuníronse coa profesora Lara Trillo para presentar o libro El coleccionista de relojes extraordinarios de Laura Gallego. Nesta obra, o protagonista deberá visitar a Ciudad Antigua, unha urbe que se transforma polas noites, para salva a alma da súa madrastra.


Recordamos, a todos aqueles que queran participar, que aínda podedes apuntarvos e que estamos desexando contar con vós no club de lectura Libros coma area!


14/10/21

BENVIDAS/OS AO NOVO CURSO EN BIBLIORAICES

Un ano máis, desde as primeiras xornadas de clase, comezamos coas actividades en Biblioraíces. Xa, desde o día 20 de setembro, temos a disposición da comunidade educativa o servizo de préstamo de fondos e, en breve, imos comezar cos diferentes grupos do club de lectura "Libros como area!".

Os 10 voluntario/as que temos inscritos neste curso xa están dando os seus primeiros pasos colaborando con nós durante os primeiros recreos e serán, sen dúbida un activo moi importante ao longo do curso; tamén se están a desenvolver as xornadas de información para o novo alumnado, das que en breve publicaremos algunha imaxe.

Os pedidos de novos títulos xa van inundando de novo os andeis e, neste senso, queremos salientar o esforzo que estamos a facer en camiñar cara unha biblioteca máis inclusiva e accesible para todo tipo de lectores.  Por iso, moitos dos exemplares recentemente adquiridos, axústanse ao protocolo de Lectura Fácil, o que permitirá un traballo máis axeitado e acorde coa diversidade que temos no centro.

En breve publicaremos unha presentación coas principais novidades en Biblioraíces, así como as bases do xa tradicional Concurso de Relatos de Terror do Samaín, que neste caso terán formato de "microrelato" e que contará con numerosos premios para os rapaces e rapazas participantes.

Un saúdo para tod@s e non deixedes de acercarvos á Biblioteca!



11/10/21

 BENVIDOS AO CURSO 2021/2022 CON LIBROS COMA AREA!

Un ano máis, o club de lectura LIBROS COMA AREA! volve a comezar as súas actividades, ao longo da semana do 18 ao 22 de outubro realízaremos as sesións de presentación. Tamén aproveitaremos para conmemorar o DÍA DAS BIBLIOTECAS (24 de Outubro) en colaboración coa Biblioteca do IES Agra de Raíces.


O alumnado que mostrou interese en participar será avisado do horario das sesións de presentación ao longo da semana anterior. Esta notificación farase na súa propia aula polo coordinador do club de lectura. Tamén aproveitamos para dicir que segue aberta a posibilidade de apuntarse no club para todos os alumnos e alumnas que o desexen.

12/5/21

Concurso de Raps en Galego


Con motivo da próxima conmemoración do Día das Letras Galegas, este ano adicado á poetisa Xela Arias, o equipo de Biblioraíces en coordinación có ENDLG do centro lanzamos un concurso de raps en galego para todo o alumnado da ESO e 1ª de BACH.  Aquí deixamos as bases do mesmo. Animádevos a participar amosando a vosa capacidade para rapear. Grazas a tod@s!














Elas!


Como xa comentabamos nunha entrada anterior relacionada co día da muller, as alumnas e alumnos do club de lectura (neste caso o alumnado de 3 da ESO C) estaban adicando parte do seu tempo a coñecer en profundidade a vida e obra de diferentes autoras feministas. Pois ben, despóis de ter feito unha búsqueda de información e de facer unha presentación oral en grupos para a asignatura de inglés, o alumnado elaborou diferentes carteis nesta língua adicados a ditas escritoras. Se queredes botarlle unha ollada, podedes atopalos no corcho do pasillo da biblioteca.




3/3/21

Mulleres, mozas e nenas.

En tan só uns días chegaremos ao 8 de Marzo e festexaremos o Día internacional da Muller. Dende o club de lectura Libros coma Area gústanos facer mención a tan sinalada data, ainda que sabemos ben que a loita da muller pola igualdade e dereitos fundamentais hai que practicala todos os días do ano.

É por iso que, con antelación, as alumnas e alumnos integrantes do club están xa a realizar un exhaustivo traballo de campo :) para coñecer máis profundamente a vida e obra de diferentes autoras. Autoras vivas, autoras mortas, autoras brancas, autoras negras, autoras africanas, autoras canadienses, autoras... Tanto ten, porque todas elas son mulleres que, en definitiva, e a través do seu traballo, axudan ou axudaron a romper as regras impostas pola sociedade na que lles tocou ou toca vivir.

De quen falamos? Aquí tedes unha pequena representación:


?????
Adiviñade!




27/1/21

Celia e Maite recoñecen que Haulden é un gran lector...

 


Pois aquí tedes unha nova presentación Prezi. Nesta ocasión, Celia e Maite, alumnas de 1º de Bacharelato, investigaron ben a fondo o tipo de lecturas que lle gustan a Haulden. Obras coma "O regreso do nativo" de Thomas Hardy ou o "David Copperfield" de Dickens son algunhas delas. Queredes coñecer máis? Premede na imaxe para estar ao tanto do que lle interesa ler ao noso amigo de "O vixía no centeo".

DÍA DA EDUCACIÓN - DÍA DA PAZ


Con motivo da conmemoración destas datas tan sinaladas, ofrecémosvos esta nova presentación prezzi con recursos diversos, elaborada polo equipo da biblioteca en colaboración có Club de Lectura, Club de Letras e ENDL.  Podedes pinchar na imaxe para vela.



                                                   

13/1/21

Quen es, Salinger? Mateo e Lois xa o saben!


No primeiro trimestre do curso, @s alumn@s do club de lectura de 1° de Bacharelato fixéronse colegas de Haulden Caufield.

Ao principio a relación foi boa, caéronse ben, pero a cousa foi cambiando a medida que tiñan lugar as nosas reunións dos mércores no segundo recreo.
Pero... Por que sucedeu isto? Por que a amizade non chegou a bo porto? Poderemos descubrilo?

Aquí temos a primeira das actividades sobre o libro, preparada por Mateo e Lois. Unha pequena presentación sobre a vida e obra do autor de "O vixía no centeo".