Biblioteca IES Agra de Raíces.

25/11/20

25 N: Día da Eliminación da Violencia contra a Muller.

 



Un curso máis conmemoramos o 25 de novembro, sen dúbida unha das datas máis significativas do ano. Có esforzo de todas/os e tendo como máxima prioritaria a "tolerancia cero", avogamos por un cambio social definitivo que ten como meta a erradicación absoluta desta lacra.

O Equipo da Biblioteca do IES Agra de Raíces preparou dúas presentacións orixinais para celebrar o Día Internacional contra a Violencia de Xénero. A primeira delas ofrece unha coidada selección de variadas pezas e estilos musicais arredor da temática da igualdade entre homes e mulleres e da loita contra a discriminacións, os abusos e o maltrato.



A segunda reúne algúns cortes cinematográficos dos films máis representativos dos últimos anos que alzaron a súa voz contra a violencia de xénero e o trato irrespectuoso cara os demais. 




Non deixedes de acceder e desfrutar de ambas presentacións, pois aportan unha visión panorámica, artística e absolutamente realista desta lacra social cuxa erradicación compete a todos os ámbitos da sociedade e onde o mundo do espectáculo colabora activamente a través da visualización das súas consecuencias.

Non queremos deixar de compartir tamén o magnífico traballo que están a realizar as/os nosas/os compañeiras/os do Clube de Letras e outras/os docentes do centro xerando materiais didácticos de gran calidade, e aos que agradecemos enormemente a súa labor.

  1. Na páxina do Club de Letras do IES Agra de Raíces para o curso 2020/2021, podedes atopar:

  1. Podedes visionar a campaña O machismo é pandemia do Colectivo XA (Xuventude Alerta), formado por alumnos de 1º Bacharelato que cursan Coeducación para o século XXI. Podedes seguir os seus pasos nas súas redes sociais Twitter e Instagram.

  1. O departamento de Orientación pon a disposición de toda a comunidade materiais para tratar a temática no seu curso da Aula Virtual.



23/11/20

Novembro: Mes da Ciencia en Galego

Dende o IES Agra de Raíces sumámonos á conmemoración do mes de Novembro coma o mes da Ciencia en Galego. Con esta conmemoración preténdese  poñer en valor a nosa lingua e demostrar que o galego é tan válido como calquera outro idioma no que a pescuda, elaboración e divulgación de material científico se refire.

Nos seguintes enlaces poderedes atopar máis información sobre este festexo así como unha selección de libros informativos sobre ciencia, editados en lingua galega.


https://www.edu.xunta.gal/biblioteca/blog/?q=node%2F1391

https://www.pinterest.es/bescolaresgal/ciencia-en-galego-nas-bibliotecas-libros-informati/




22/11/20

22-N DÍA DE SANTA ICÍA (SANTA CECILIA) PATRONA DA MÚSICA

 



Hoxe conmemoramos o día de Santa Icía, patrona de Música.  A Igrexa católica conmemora o 22 de novembro a morte de Santa Cecilia, unha muller de familia nobre que morreu nun ano indeterminado entre o 180 e o 230 d.C. despois de ser torturada pola súa conversión ao cristianismo.  En 1594, o papa Gregorio XIII nomeouna patroa da música, e así o segue a día de hoxe.
En moitas pinturas vese entre instrumentos musicais, tocando normalmente un órgano. Unha explicación baséase en que, según din, a rapaza adicouse internamente a cantar a Deus mentres os músicos tocaban na súa voda, acordada polos seus pais, aínda que parece unha explicación insuficiente.
O papa que a nomeou patrona dixo que "amosou unha irresistible atracción polos acordes melodiosos dos instrumentos. O seu espírito sensible e apaixonado por esta arte converteu así o seu nome nun símbolo da música ”.  Pero existen moitas hipoteses ao respecto.

Santa Cecilia, en arte, literatura e música

Cecilia, como patrona da música, inspirou máis dunha obra mestra artística, incluída a Éxtase de Santa Cecilia de Raphael Sanzio, agora en Boloña (a copia feita por Guido Reni está na igrexa de San Luigi dei Francesi, en Roma). Lembramos tamén a Santa Cecilia de Peter Paul Rubens, en Berlín; Domenichino, en París; Artemisia Gentileschi, en Roma; e Nicolas Poussin, en Madrid.

Na literatura, Cecilia celebrouse especialmente nos Contos de Canterbury de Geoffrey Chaucer; no conto Santa Cecilia ou o poder da música, de Heinrich von Kleist; e nunha oda de John Dryden, entón musicada por Haendel, en 1736 e máis tarde por Hubert Parry, en 1889.

Outras obras musicais adicadas a Cecilia inclúen Hymn to Saint Cecilia de Benjamin Britten; o Himno a Santa Cecilia, de Herbert Howells; a coñecida Missa Sanctae Ceciliae, de Joseph Haydn; unha misa, de Alessandro Scarlatti; Messe Solennelle de Sainte Cécile, de Charles Gounod; Ave, Cecilia brillante de Henry Purcell, composta en 1692; a ópera Cecilia, en tres episodios e catro cadros, con música de Licinio Refice e libreto de Emidio Mucci; Cantata a Santa Cecilia (1998), de Frederik Magle; e Cecilia, vergine romana, de Arvo Pärt.

Aproveitamos este día, ademáis de para felicitar a tódas as música e músicos, para rendir unha homenaxe a todas esas bibliotecas, bilbiotecas musicáis, arquivos e coleccións que custodian tantas e tantas obras musicáis, moitas delas coñecidas e outras pendentes de rescatar do olvido, e que tan importantes son na labor dos músicos e musicólogos na elaboración das programacións dos diferentes teatros e auditorios do mundo así como na gravación de importantes novidades musicais de repertorios esquecidos a agora recuperados froito do esforzo dos diferentes especialistas y das institucións que as custiodaron durante séculos.


Rincón da Biblioteca Musical Victor Espinos (Madrid)


19/11/20

Xa temos gañadoras!!


Despois de ler e analizar a riqueza de todas as obras presentadas, xa temos gañadoras do Concurso de Relatos de Terror do Samaín 2020:

  • Na categoría de 1º Ciclo da ESO a gañadora é Claudia Costa Casais de 2º ESO A, co seu relato "A sombra do bosque", escrito en lingua galega. 
  • Na categoría de 2º Ciclo da ESO, a gañadora é Uxía López Romero de 4º ESO C, co seu relato "El armario", escrito en lingua castelá.

Na categoría de BACH e Ciclo Formativo o premio queda deserto xa que non se presentaron obras a concurso.

Grazas a todas e todos os/as participantes e parabéns as gañadoras que, na vindeira semana, recibirán o diploma acreditativo correspondente e un vale por valor de 20€ que poderán utilizar nunha libería do concello.

Un saúdo a tod@s!

12/11/20

13 de novembro: Prezada librería...

O 13 de novembro é o día no que os/as libreiros/as, os/as escritores/as, os/as lectores/as e todas aquelas persoas implicadas no mundo do libro festexan o día das librerías. As librerías non son soamente comercios onde poder adquirir libros, senón que funcionan tamén como espazos con encanto que subliñan a importancia do libro á vez que nos transportan a diferentes escenarios.

Na contorna do IES Agra de Raíces podemos atopar librerías como a librería "Ler" ou a librería "Mestura", pero en todos os recunchos do planeta se atopan, máis ou menos agochadas, librerías de todo tipo, entre elas algunhas de beleza extraordinaria. Deixámosvos aquí un enlace a un artigo da editorial Condé Nast onde se enumeran as librerías máis fermosas do mundo:


https://www.traveler.es/viajes-urbanos/galerias/las-librerias-mas-bonitas-del-mundo/650/image/30715



Librería Lello, O Porto (Portugal)





10/11/20

Día das Escritoras.

          "No hay barrera, cerradura ni cerrojo que pueda imponerse a la libertad de mi mente"

Virginia Wolf.


O pasado 19 de Outubro conmemorouse o día das mulleres escritoras. Durante estas semanas e co fin de festexar esa data o alumnado de 4º ESO do noso instituto adicouse a elaborar un corcho virtual onde se foron colgando fragmentos de obras creadas por mulleres, entre as que se contan Ana María Matute, Elvira Sastre ou a poeta Safo. Animádevos a entrar no seguinte enlace para ver o resultado: